کیفے کی باتیں
ایک پراٹھا اور۔۔۔۔ ارے ہاف فرائی لانا۔۔۔۔۔۔ابے یہ چائے کس
کی لائے ہو ۔ ۔۔۔۔۔
میں کیفے میں داخل ہوچکا تھا۔ مکھیوں کی بھن بھناہٹ کی طرح
مختلف آوازیں میری سماعت سے جھگڑ رہی تھیں ایسے جیسے ہر ایک اپنی جگہ بنانے کی
کوشش میں ہو ۔ یہ قائدآعظم یونیورسٹی کا مین کیفے تھا۔ ویسے تو سوشل ہٹ اور کیمسٹری
ہٹ کی شان اپنی انفرادیت لیے الگ ہی دنیا لگتی ہے۔ خیر بات ہو رہی تھی کیفے کی۔ یہاں
آپ کو کوئی تفریق نظر نہیں آتی۔ یہاں سبھی ایک سے دیکھائی دیتے ہیں۔ اپنے اپنے مشاغل
میں گم۔ انہیں آوازوں کے شور میں مجھے انتہائی مستعد اور معصوم سا ویٹر دیکھائی
دیا۔ سبھی اسکو شہزادے کے نام سے پکار رہے تھے۔ شاہد
یہ اسکا اصل نام یا بھر فرضی نام تھا ۔ اب میں اس انتظار میں تھا کہ جیسے ہی
شہزادہ میرے قریب سے گزرے تو میں اسے اپنا آڈر دے دوں۔ شکل اور چال ٹھال سے وہ کسی
شہزادے سے کم نا تھا۔ ایسے میں مجھے ایک عجیب سا خیال آیا اور میں کیفے سے آٹھ کے
باہر چلاگیا۔ اب میں اس انتظار میں تھاکہ جیسے ہی شہزادے کی شفٹ ختم ہو گی تو اس
سے ٹھہر ساری باتِیں کروں گا۔
انتظار ایک ایسی بلا ہے کہ اگر محبت کے لیے بھی کرنا پڑے تو
کسی طرح سولی سے کم آذیت ناک نہیں لگتی۔ میں شہزادے کی ملاقات کے اشتیاق میں
۔۔۔۔۔۔ شام تک رہا۔ یہ ایک الگ کہانی ہے کہ اس وقت کو کیسے گزار پایا۔ اف۔ اللہ
اللہ کر کے انتظارکا اذیت ناک مرحلہ ختم ہوا۔ شہزادہ اپنی سی ادا کے ساتھ کیفے سے
نکلا۔ اور ایک سمت چل دیا۔ میں بھی ہولے سے اسکی جانب چل دیا۔
میرا نام ۔۔۔۔۔۔ میں نے بات کا آغاز کیا۔ کیا ہم کچھ دیر
کہیں بیٹھ کے بات کر سکتے ہیں؟ میری بات سن کے وہ ایک لمحے کے لیے روکا۔ معصومیت
سے بولا۔ صاحب کیا کچھ مجھ سے غلطی ہوگئی ہے؟؟؟ نہیں بیٹا۔ آپ اتنے اچھے ہوں۔ ہم
قریب بچھے بینچ پر بیٹھ چکے تھے۔ میں نے چپس کا پیکٹ اسکی طرف بڑھاتے ہوے پوچھا،
بیٹا آپ کا نام کیا ہے اور کب سے کام کر رہے ہو؟؟ اس نے کہنا شروع کیا ۔جی شہزادے
کے نام سے تو یہاں سبھی مجھے پکارتے ہیں ورنہ میرا اصل نام شہریار ہے۔
تقریبا" ۲ سال سے کام کر رہا ہوں۔۔۔۔۔ ایک طویل داستان، جس نے آنکھوں میں نمی
پیدا کر دی۔ دل تو چاہتا ہے کہ سب کچھ لکھ دوں۔ لیکن۔۔۔۔۔۔ اپنی کلاس میں ہمیشہ
آگے رہنے والا بچہ کیونکر ننھی سی عمر میں ویٹر بنا۔ میں نے پوچھا۔ باقی بہن
بھائیوں کو بھی کام کروانا چاہتے ہو؟؟ ایک دم مجھے دیکھا جیسے احتجاج کر رہا ہو کہ
کتنے سنگ دل ہو تم کہ مجھ سے میری معصومیت چھین کر بھی تمنا رکھتے ہو کہ باقی بھی
یہی کام کریں۔۔۔۔۔۔۔ صاحب وہ کیوں تعلیم ترک کریں گے، میں ہوں نا انکے لیے کمانے
والا۔ وہ سبھی ایک دن اسی یونیورسٹی میں آئیں گے۔ اور میرے والدین اور میرے پیارے
وطن کا نام روشن کریں گے۔ بے اختیار میری زبان سے اس کے پرعزم چہرے کو دیکھ کر ان شاء اللہ نکلا۔
صبح سویرے آٹھ کے آنے والا شہریار اپنا معصوم سا سوال ہم سب
کے لیے چھوڑ گیا۔ صاحب۱ کیا آپ بڑے لوگ ہم جیسے ویٹروں کے لیے بھی کوئی قانوں نہیں
بنا سکتے؟؟؟ کیا ہم آپ کے جیسے انسان نہیں ہیں؟؟؟
حکومت سے گلا کروں یا سیاست دانوں سے؟؟ یا ان اداروں سے جو
ان معصوم بچوں کے نام پر اربوں روپے اکٹھے کر کے ۔۔۔ نا جانے کیا کرتے ہیں۔ بیس
کروڑ کی آبادی کے اس ملک میں ۱۰سے ۱۸ سال کی عمر کے بچوں کی تعداد تقریبا 20 فیصد
بنتی ہے۔ لیکن ہمارے حکمران خواہ وہ صاحبے اقدادار ہوں یا شریک اقدادار ہوں سبھی
خواب خرگوش کے مزے لے رہے ہیں۔ کل کی دنیا کن چیلنجز کے ساتھ موجود ہو گی، کیا
ہمارا یہ مستقبل ان حالات سے نبرد آزما ہونے کی صلاحیتوں سے مسلح ہوگا؟؟؟
کیفے کی زندگی میری آنکھوں کے سامنے ناچ رہی تھی ۔ جیسے کہے
رہی ہو کہ کیا تم اور تمہارا سارا وطن میری طرح کی حالت سے دوچار نہیں ہے۔ اسی
ماحول کی طرح۔ جہاں سبھی بے فکری میں گم ہیں۔
ہر فرد اپنی خوشی کا سامان تلاش کرتا ہے
اور اپنی منزل کی جانب چل پڑتا ہے۔ اور اپنے پیچھے کچرا پھینک جاتا ہے۔
میں گم سم کیفے کی باتوں کو سن رہا ہوں کیوں کے میرے پاس اس
بات کا کوئی جواب نہیں۔ ایسے ہی جیسے میرے اس بلاگ کا کوئی ربط نہیں، معصوم شہزادے
شہریار کے سوال کا کوئی جواب نہیں۔ اور اب
خود کیفے کی باتوں کا۔
Muhammad Asim
Islamabad
تبصرے
ایک تبصرہ شائع کریں