تعلیمی ایمرجنسی، فنڈز
اور ملاح
Educational Emergency,
Funds and Mallah
ملاح نے۔۔۔۔۔ تاحدِ نگاہ پھیلے ہوئے
سمندر کی طرف اشارہ کرتے ہوئے
گفتگو کا آغاز کیا۔۔۔
جناب عالی! آبِ رواں کا یہ خوب صورت منظر،
یعنی نیل گوں سمندر ، اپنے اندر کئی خزانے چھپائے،
مدتوں سے۔۔۔۔
پُر سکون انداز میں رواں دواں ہے۔
اس کے اُس
پار۔۔۔۔۔ لاکھوں
باہمت نوجوان بستے ہیں،
جن کی آنکھوں میں۔۔۔۔ امید کی چمک ۔۔۔۔ اِن کے جذبوں کی ترجمان ہے۔
اس بستی میں۔۔۔ بے شمار معاشی مواقع ہیں،
لیکن یہ نوجوان۔۔۔ سمندر کے اس پار نہیں آسکتے،
کیوں؟
جناب عالی! سمندر
کا یہ خاموش ماحول
انہیں یہاں آنے
میں ۔۔۔ رکاوٹ ہے۔
جبکہ
یہاں اس طرف کے بستی
والے، جن کے پاس لاتعداد وسائل ہیں
یہ بھی۔۔۔ اُس پار نہیں جا سکتے۔
جناب عالی!
اگر آپ ان کو،
دوسروں کے ساتھ ، باہم مل کر ، سیکھنے کا ماحول فراہم کرنے کا ۔۔۔۔
کوئی طریقہ ۔۔۔۔ کوئی حکمت عملی۔۔۔۔ واضح کر دیں
جس سے یہ نوجوان ، باہم
میل جول کے قابل ہو سکیں
ایک دوسرے کی ضروریات کو پورا کرنے کے لیے ، اپنے
علم، تجربہ اور صلاحیت کو ، بڑھا سکیں ۔۔۔۔
بروکار لا سکیں۔۔۔
یوں ایک طرف ان کی معاشی
سرگرمیاں ۔۔۔ موئثر بن جائیں گی
بلکہ ان کی
خوشحالی، ہمارے معاشرے کو خوشحال
بنانے کا سبب
بن جائے گی۔۔۔۔
سامنے کھڑے، با اختیار صاحب نے، اپنی مونچھوں کو
تاؤ دیتے ہوئے
بڑی رعونت سے کہا،
مجھے تمہارا
آئیڈیا پسند آیا ہے۔
میں ابھی۔۔۔۔ اس کے لیے۔۔۔۔۔ وسائل فراہم کیے دیتا ہوں۔
ہر سال ، سرکار تمہیں، ایک کشتی مہیا کرے گی، تاکہ تم
دونوں کناروں پر بسنے
والے ان
لاکھوں نوجوانوں کو
باہم میل جول
اور معاشی
سرگرمیوں کے لیے،
تعلیم
اور ہنر سیکھنے کے مواقع فراہم کر سکو۔
تالی بجی
اردلی نے
فرشی سلام کرتے ہوئے
صاحب کی
لگژری گاڑی کا دروازہ کھولا۔
اور ناجانے
کب۔۔۔۔ تیز رفتار، فراٹے بھرتی ہوئی گاڑی
اپنی ہی
دھول میں گم ہو چکی تھی۔۔۔۔
تب سے اب تک۔۔۔۔
میں سوچ رہا ہوں
بستی کے ان
لاکھوں نوجوانوں کا کیا کروں؟
اپنے خوابوں
کا کیا کروں ؟
کشتی کا کیا
کروں ؟
یا
سمندر میں
کود جاؤں ؟
یا
کشتی بیچ کر
اپنے خاندان
کی ضروریات کو پوراکروں ؟
چار صوبے،
تین صوبائی علاقے اور ڈھائی کروڑ بچے،
ان کی بحالی
اور معاشرے کی خوشحالی کے لیے،
صاحب بہادر
نے
بڑی فراخدلی
کے ساتھ
سالانہ 5
بلین کا فنڈ دینے کا اعلان کر دیا یے۔
نوٹ: یہ
اعلان ہے، اس پر دل فدا نا کریں...
تمثیلات:
ملاح۔۔۔۔ درد
دل رکھنے والا بیوروکریٹ
صاحب۔۔۔۔
وزیر اعظم/وزیر تعلیم
سمندر ۔۔۔ لرننگ سسٹم
یعنی اسکول
باہمت بستی
والے نوجوان.... آؤٹ آف اسکول چلڈرن ہیں۔
محمد عاصم
اسلام آباد
03315152502
تبصرے
ایک تبصرہ شائع کریں